कटहरी / माेरङकाे कटहरी गाउँपालिका वडा – ३ कार्यालयले नेपाल रेडक्रस सोसाईटी कटहरी उपशाखालाई कार्यालय संचालनमा आवश्यक सामाग्रि प्रदान गरेको छ ।

कटहरी – ३ वडा कार्यालयले रेडक्रस कटहरी उपशाखालाई स्टील दराज १ थान , थ्री पिस सोफासेट १ , प्लाष्टिक कुर्सी १० थान , रिभल्भिंग कुर्सी १ र अफिस टेबल १ थान प्रदान गरेको छ ।

कटहरी – ३ वडा कार्यालय परिसरमा मंसिर १० गते आयोजित कार्यक्रमकाबीच कटहरी – ३ का वडाध्यक्ष जदुलाल कामतले नेपाल रेडक्रस सोसाईटी कटहरी उपशाखाका सभापति यशोधर कामतलाई उक सामाग्रि हस्तान्तरण गर्नुभएकाे छ ।

कार्यक्रमकाबीच रेडक्रसलाई १ लाख ६५ हजार मुल्य बराबरको सामाग्रि प्रदान गरिएको वडा अध्यक्ष जदुलाल कामतले जानकारी दिनुभयो । बितेको बर्ष गाउँपालिकाको बजेट बाट रेडक्रस उपशाखाको भवन निर्माण गरिएको भएपनि फर्निचर अभावमा कार्यसम्पादनगर्न समस्या रहेको देखेपछि वडाको बजेटबाट कार्यालय संचालनमा आवश्यक सामाग्रि उपलब्ध गराईएको वडा अध्यक्ष कामतले बताउनुभयो ।

कटहरी गाउँपालिका कार्यालय छेउमै आ. व २०७९ / ८० मा रेडक्रस उपशाखाको ४ कोठे भवन निर्माण गरिएको थियो । प्राप्त फर्निचर सामाग्रिको प्रयोगबाट कार्यसम्पादनमा सहजता हुने रेडक्रस कटहरी सभापति कामतले बताउनुभयो ।

कार्यक्रममा ३ नम्बर वडा सदस्य बल्सी दास तत्मा , सुलेखादेवी मण्डल , दुखनीदेवी पासवान र शंकर पासवान लगायत स्थानियको सहभागिता पनि रहेको थियो ।