संजय राजवंशी
कटहरी / प्रतयेक नेपालीको भागमा ७९ हजार २०१ रुपैयाँ ऋण पर्नेभएको छ । नेपालकाे सार्वजनिक ऋणकाे हिसाबले प्रतयेक नेपालीको टाउकोमा ७९ हजार भन्दा बढीको ऋण तिर्नुपर्ने देखिन्छ । नेपालको सार्वजनिक ऋण बढदै गएको छ ।
सार्वजनिक ऋण व्यवस्थापन कार्यालयले सार्वजनिक गरेको तथ्यांकअनुसार नेपालकाे अर्थ ब्यवस्थामा ठुलो समस्या देखिरहेका छन् । यस चालु आर्थिक वर्षको भदौ मसान्तसम्म सरकारले तिर्नुपर्ने सार्वजनिक ऋण २३ खर्ब ९ करोड ८६ लाख ९६ हजार रुपैयाँ पुगेको छ ।
नेपाल सरकारकाे उक्त ऋणमध्ये ११ खर्ब ४० अर्ब ५३ करोड ३ लाख रुपैयाँ आन्तरिक ऋण रहेको छ भने ११ खर्ब ६९ अर्ब ३३ करोड ९३ लाख रुपैयाँ बाह्य ऋण रहेको छ ।
सार्वजनिक ऋण व्यवस्थापन कार्यालयका अनुसार चालु आर्थिक वर्षको २ महिनामा सरकारले ४९ अर्ब २३ करोड ३२ लाख रुपैयाँ ऋण थपेको छ ।
गत असार मसान्तसम्म कुल ऋण २२ अर्ब ९९ करोड ३५ लाख २५ हजार रुपैयाँ रहेको थियो । यो दुई महिनाको अवधिमा सरकारले ३८ अर्ब ७१ करोड ६१ लाख रुपैयाँ भुक्तानी गरेकोे छ ।
नेपालकाे कल कारखाना , उधाेग तथा उत्पादनमूलक कामहरूकाे आधारमा हाल नेपालको कुल गार्हस्थ उत्पादन (जीडीपी) ५३ खर्ब रुपैयाँ हाराहारीमा रहेको छ ।
नेपालकाे क्षमता तथा राजस्वको आमदानीका अनुसार यस आधारमा हेर्ने हो भने नेपालको ऋण जीडीपीको ४३.५८ प्रतिशत हुन आउँछ । यता, नेपालको कुल जनसंख्या २ करोड ९१ लाख ६४ हजार ५७८ को आधारमा हेर्ने हो भने एक नेपालीको भागमा ७९ हजार २०१ रुपैयाँ ऋण पर्ने देखिन्छ ।
१.
२.
३.