समाजत दुष्ट चरित्र स्वभावेर मनुष्यलासे सतर्क रहिवा लागे ! समाजत बहुतेला विमेल परिस्थिति सृजना हवाल चे ! धन चे ते मन नि चे ! मन चे त धन नि चे ! धन मन दुनु चे त व्वार अफ्नारे ताल बेताल चे ! अभिमान चे परन्तु हवा लागे त स्वाभिमान ! बिडम्बना ! व्वमाला अफ्नाके समाजेर ठेकेदार जनाचे ! से माने निति नियम पालन करिबार बादे बाध्य नि चे !

मन बड या धन बड ? मनसे बड हईना समाजेर हितेर कार्य करिले ते सभार लाभ हवे परन्तु मन से बड धन ? धन जिनिस हय सभे दिन एके लाखा नि रहवा सकेचे ! यदि धन बडे हले ते समाजेर धनी बर्गेर जिमिन्दार , दौनिया , पटवारी लाखा ब्याक्तित्वला समाजेर बिकासेर कार्य करिबार बादे अग्र स्थान रहले नि सायद परन्तु व्वामालार स्थिती बर्तमान अवस्था हथी छाप चप्पलेर लाखा चे ! बरु समान्य बर्गेर ब्याक्तित्वला अफ्नार क्षमता अनुसार तनसे मनसे लगन से समाजिक कार्यत निरन्तर जुटाल चे !

प्रतिस्पर्धा ! हामार समाजत भिन्न जातीय प्रतिस्पर्धा नि चे अफ्नारे जातिय बर्गिय प्रतिस्पर्धा चे ! अईला विचार परिवर्तन हवार नितान्त जरुरी चे ! हामा चिल्ला रायरे सन्तति जनाई परन्तु कहाँर सङ्गे आट नि चे ! हमार सामाजत उधोगपती , बड ब्यापारी नि चे ? सम्पती ते चे फेर खोइ त निजेर टि. भी. चैनल , एफ. एम. रेडियो स्टेसन , छट बड कल कारखाना ? सम्पत्तिला चलायमान करिबार क्षमातार अभाव स्पष्ट देखाल जाचे !

राजनीतिक चेतनार अभाव ते झन बड समस्या रुपत प्रष्ट देखाल जाचे ! हामाला खाली करदाता / मतदाता मात्र हई ? हामार समाजत कोई भि राजनीतिक रुपत सक्षम नि चे ? हामार समाज राजनीतिक रुपत सभार से पछाडि क्या? समय रहते हरेक बर्गेर ब्याक्तित्वला आ आफ्नार आनी बानीला सुधार करिबार जरुरी चे ! अन्याथा काली कि हवे सोचिय राख ?

दुष्ट ! हामार समाजत दुष्ट काय हय ? सामान्यतया हामाला शिक्षात , ब्यापारत , सरकारी जागिरतभी पिछाडी ची ! हरेक कार्यत पछाडि पर्बार प्रमुख कारण चे शिक्षा ! ते दुष्ट काय होले ? शिक्षा पढिएना अथवा अनुभवसे भि हासिल करिबा सकेची ! समाजेर लोकलाक भि बुझाबार बादे शिक्षा अनिवार्य चे ! शिक्षा विना प्रगति सम्भव नि चे ! अर्थात बिकासेर बादे समाज शिक्षित हवार जरुरी चे !